Dollar

Dollar isch dr Name vo dr Währig vo verschiidnige Staate. In Länder, wo dr Name vo dr lokale Währig nid Dollar isch, meint mä mit Dollar fast immer dr Dollar vo de Vereinigte Staate vo Amerika, wo wältwit e Leitwährig isch.

S Wort leitet sich ursprünglig us dr alte dütschsproochige Münzbezeichnig Taler (vom Haller Thaler – Hall in Tirol lit im Inntal in der Nöchi vo Innsbruck – und vom böhmische Joachimsthaler Guldegrosche – Joachimsthal-Gulde) ab. Dr Name Dolaro oder Dolares daucht zum erste Mol under em Kaiser Karl V. (sit 1516 König vo Spanie) zur Underscheidig vo de verschlächterete 8-Reales-Stück (Peso) gege d Münze, wo im Silberghalt vollwärtig gsi si, uf.